काठमाडौं । गुल्मीको मुसिकोट नगरपालिका–२ र धुर्कोट गाउँपालिका–३ को वडाध्यक्ष पद रिक्त भएको छ । ति वडाका अध्यक्षलाई कांग्रेसले कारबाही गरेपछि पद रिक्त भएको हो ।
निर्वाचन आयोगले बिहीबार सूचना जारी गरेर यसबारे जानकारी गराएको हो । जनीतिक दल सम्बन्धी ऐन र नियमावली अनुसार दल त्याग गरेको ब्यहोरा दलको केन्द्रीय समितिले निर्णय गरी आयोगलाई जानकारी गराउनुपर्ने व्यवस्था छ । उनीहरु २०७९ को स्थानीय तहको निर्वाचनमा नेपाली कांग्रेसको तर्फबाट निर्वाचित भएका थिए ।
उनीहरुले हाल दल त्याग गरिसकेका छन् । जनप्रतिनिधहरू अन्य दलमा प्रवेश गरेको भनी कांग्रेस केन्द्रीय कार्यसम्पादन समितिको निर्णयको प्रतिलिपीसहित आयोगमा जानकारी हुन आएकाले निजहरु निर्वाचित भएको पद स्वत रिक्त भएको आयोगले जनाएको छ ।
