काठमाडौं । आज र भोलिको सार्वजनिक बिदामा सर्वोच्च अदालत आंशिक रुपमा खुला हुने भएको छ ।
सर्वोच्च अदालतले लगातार चार दिन सार्वजनिक बिदा भएका कारण बिहीबार र शुक्रबारका लागि बन्दीप्रत्यक्षीकरणको निवेदन दर्ता गर्न अदालत आंशिक रुपमा खुला हुने जनाएको हो ।
जसअनुसार बिहान ११ बजेदेखि दिउँसो ३ बजेसम्म बन्दीप्रत्यक्षीकरणको निवेदनको दर्ता र सुनुवाइका लागि अदालत खुला रहेनछ ।
यसअघि पनि सर्वोच्चले लगातार बिदा परेको अवस्थामा आंशिक रुपमा कामकारबाही सञ्चालन गर्दै आएको थियो ।
