रुपन्देही । रुपन्देही प्रहरीले ठूलो परिमाणमा भारतबाट अवैध रूपमा प्याज बरामद गरेको छ ।
भारतबाट नेपालतर्फ अवैध रूपमा भन्सार छली चोरी पैठारी गरी ल्याउँदै गरेको अवस्थामा १ लाख ६२ हजार ७ सय ५० मूल्य बराबरको अवैध प्याज बरामद गरिएको हो ।
जिल्ला प्रहरी कार्यालय रुपन्देहीबाट खटिएको टोलीले मायादेवी गाउँपालिका वडा नम्बर ४ स्थित सुण्डीबाट बेवारिसे अवस्थामा ७२ बोरा प्याज स्थानीयवासीको रोहबरमा बरामद गरेको हो ।
बरामद गरिएको प्याज आवश्यक कारबाहीका लागि भैरहवा भन्सार कार्यालय बेलहिया रुपन्देही पठाइएको छ ।
