सिरहा,२४ पुस । सिरहा नगरपालिका १४ खिरौनास्थित छत माथिको पर्खाल भत्किदा एकै परिवारका तीनजना घाइते भएका छन्।
घाइते हुनेहरुमा सिरहा नगरपालिका १४ निवासि २० वर्षीया उषा कुमारी शाह,२१ बर्षिया रंजना साह,२२ वर्षीय रबी कुमार साह रहेको जिल्ला प्रहरी कार्यालय सिरहाले जनाए ।प्रथमिक उपचार पछि थप उपचारका लागि बिराटनगर रेफर गरिएको प्रादेशिक अस्पताल सिरहाले जनाए ।
सबै घाइतेको टाउको फुटे छ भने रंजनाको ढाडमा गम्भीर चोट लागेको बताइएको छ ।बन्दै गरेको दोस्रो तल्ला पक्कि घरको पर्खालमा अडेस लागेर गफ गरिरहदा अचानक पर्खाल भत्किदा छतबाट तल झर्दा तिनैजना घाइते भएको स्थानिय स्रोतको दाबि छ ।
स्रोतले दाबि गरे अनुसार घाइते हुनेहरु लालबाबु साहको छोरा,छोरि र बुहारि रहेको छ ।
