सिरहा । सिरहाबाट प्रहरीले भारी मात्रामा प्याज नियन्त्रणमा लिएको छ । प्रहरीले मंगलबार २०४ बोरा प्याज नियन्त्रणमा लिएको हो । ट्रकमा लोड गरेर काठमाडौं लैजाँदै गरेको अवस्थामा करिब ४ लाख ८ हजार रुपैयाँ बराबरको २०४ बोरा प्याज प्रहरीले मंगलबार राति करिब ८ बजेको समयमा नियन्त्रणमा लिएको हो ।
धनगढीमाई नगरपालिका वडा नं।९ मुसहरनियास्थित सडकखण्डबाट प्र१–०२–००१ ख ९१६९ नम्बरको ट्रकमा लोड गरिएको प्याज बरामद गरिएको सिरहाका प्रहरी नायब उपरीक्षक रविन्द्रराज पाण्डेले बताए ।
यसक्रममा उदयपुर कटारी नगरपालिका–५ बस्ने चालक राजेश कटुवाल पक्राउ परेको पाण्डेले बताए ।
भन्सार जाँचपासको कागजात नभेटिएपछि प्याज नियन्त्रणमा लिइएको प्रहरीले जनाएको छ। प्याजसहितको ट्रक राजश्व अनुसन्धान कार्यालय सुनसरीमा पठाइएको छ।
