नरेशचन्द्र बरबरिया
सिरहा माघ । सिरहा नगरपालिकाको वडा न.१७ खैरटोकाका बिपन्न परिवारलाई जाडो छल्न जिल्ला विपद व्यवस्थापन समिति सिरहाले न्यानो कम्बल बितरण गरेका छन ।
खैरटोकामा रहेको मुसहर बस्तीमा करिव १५ घर परिवारलाई न्यानो कम्बल वितरण गरिएको छ ।
मधेश प्रदेश सरकार गृह, सञ्चार तथा कानुन मन्त्रालयले उपलब्ध गराएको सिरहा नगरपालिका वडा न.८ महिसोथा र वडा न.१७ खैरटोकाका अति विपन्न परिवारलाई वितरण गरेको सिरहाका प्रमुख जिल्ला अधिकारी राजेन्द्रदेव पाण्डेले जानकारी दिएका छन ।
मुसहर बस्ती खैरटोकाका बिपन्न परिवारमा रहेका स-साना बच्चाहरुको लागि पनि न्यानो कपडा उपलव्ध गराउने उनले बताए ।
कम्बल बितरण कार्यक्रममा प्रमुख जिल्ला अधिकारी राजेन्द्रदेव पाण्डे ,सशस्त्र प्रहरी बल सिरहाका गणपति शिव गैरे ,अनुसन्धानका एसपी देवराज लिम्बू ,नेपाल प्रहरीका नायव प्रहरी उपरीक्षक रबिन्द्रराज पाण्डे लगायत स्थानीय समाज सेवी, बुद्ध जिवि, युवा समाज सेवी तथा नेपाल प्रहरी ,सशस्त्र प्रहरीका जवानहरुको उपस्थित रहेको थियो ।
