एजेन्सी । भारतमा आज लोकसभा निर्वाचनअन्तर्गत सातौं तथा अन्तिम चरणको मतदान भइरहेको छ । आज ७ राज्य र एक केन्द्रशासित प्रदेशको ५७ सिटमा मतदान भएको हो ।
आज वाराणसी सिटमा पनि निर्वाचन भइरहेको छ, जहाँ प्रधानमन्त्री नरेन्द्र मोदी तेस्रो पटक चुनावी प्रतिस्पर्धामा छन् । मोदीको क्षेत्रको माहोल हेर्दा फेरी चुनाव जित्ने आकलन गरिएको छ ।
यस्तै, पञ्जाबको सबै १३ सिट, हिमाचल प्रदेशको ४, उत्तर प्रदेशको ४, उत्तर प्रदेशको १३, पश्चिम बंगालको ९, बिहारको ८, उडिसाको ६, झारखण्डको ३ सिटमा मतदान भइरहेको छ ।
आज उडिसाको ४२ विधानसभा सिट र हिमाचल प्रदेशको ६ विधानसभा सिटमा पनि उपचुनाव हुनेछ । सातौं चरणमा ९ सय ४ उम्मेदवार मैदानमा छन्। जसमा प्रधानमन्त्री मोदीसहित केन्द्रीय मन्त्री अनुराग ठाकुर, अभिनेत्री कंगना रनौत, रवि किशनलगायत छन् । मत गणना ४ जुनमा हुनेछ ।
