सिरहा,२६ पुस । गएको तीन दिने देखि बढ्दो चिसो छल्न सामुदायिक सेवा केन्द्र एंव सामुदायिक प्रहरी सेवा केन्द्र सिरहाले नवराजपुरगाउँपालिकाको विभिन्न ठाउँमा दाउरा वितरण गरेको छ ।
नवराजपुर गाउँपालिकाबासी र प्रहरी चौकीको समन्वयमा त्यहाँको विभिन्न ठाउँमा दाउरा वितरण गरिएको सामुदायिक सेवा केन्द्र एंवसामुदायिक प्रहरी सेवा केन्द्र सिरहाका अध्यक्ष नविन कुमार यादवले बताए ।
‘बढ्दो चिसो छल्न पहिलो चरणमा नवराजपुर गाउँपालिकाको विभिन्न स्थानमा दाउरा वितरण गरिएको छ,’उनले भने‘दाउरा वितरणकार्यमा खासगरी विपन्न दलित तथा गरिब बस्तीलाई लक्षित गरिएको थियो । आउने दिनमा पनि यसरी चिसो छल्न दाउरासँगै विभिन्नसामग्री वितरणका प्रयास गरिने छन् ।’
तराई मधेशमा केही दिनयता चिसो बढ्दो क्रममा रहेको भन्दै उनले चिसो छल्न नागरिकलाई सहज हुने गरी विभिन्न खाले क्रियाकलापकार्यान्वयनमा ल्याउन स्थानीय तहहरुसँग आग्रह गरे । चिसोको मौममा खासगरी चिसो महिनामा विपन्न गरिब, बालबालिका तथा जेष्ठनागरिकहरुको जीवन कष्टकर बन्ने गरेको उनले तर्क गरे ।
