१५ लाख घुस रकमसहित काभ्रेको बनेपा नगरपालिका-९ का वडाध्यक्ष पक्राउ परेका छन् ।
अख्तियार दुरुपयोग अनुसन्धान आयोगले वडाध्यक्ष नृपेश बादेलाई बुधबार राति भक्तपुर मध्यपुर ठिमी नगरपालिका-३ गठ्ठाघरबाट नियन्त्रणमा लिएको हो ।
आयोगका अनुसार उनले घर बाटो सिफारिस गर्ने प्रयोजनको लागि सो रकम लिइसकेको अवस्थामा नियन्त्रणमा लिइएको हो ।
उनी सँगै आएको बा ७ च १२९ न. को कार चालक पदमबहादुर प्रधानलाई समेत गाडीसहित नियन्त्रणमा लिएको बताइएको छ ।
