सिरहाको सिरहा नगरपालिका १७ काली चौक स्थित लागुऔषध खैरो हिरोईन सहित तीन जना युवा प्रकाउ परेका छन् ।
प्रकाउ पर्नेमा मिर्चैया नगरपालिका ११ सियापुरका २२ बर्षीय सुरेन्द्र कुमार महरा सोही नगरपालिका ९ ढोरनाका २२ बर्षीय अरबिन्द्र मण्डल र मिर्चैयाकै २३ वर्षीय अनिल मण्डल रहेका छन्।
ईलाका प्रहरी कार्यालय माडर सिरहाका प्रहरी बरिष्ट नायव निरिक्षक संजय तामाङको कमाण्डमा खटिएको चेकिङ टोलीले सिरहा नगरपालिका १७ काली चौक स्थित चेकजाँच गर्ने क्रममा उनीहरु लाई प्रकाउ गरेको हो ।
गोप्य सुचनाको अधारमा प्रदेश २ –०१–००१ प ५९४६ नम्बरको मोटरसाईकलमा सवार रहेको तिन जना लाई रौकी चेकजाँच गर्दा विचमा सवार रहेको सुरेन्द्र कुमार महराले आफ्नौ अण्डरवियर भित्र लुकाई छिपाई राखेको प्लास्टिक सहित ०.६३ ग्राम तौल भएको खैरो हिरोईन जस्तो देखिने लागुऔषध बरामद भएको प्रहरी जनाएको छ ।
लागुऔषध खैरो हिरोईन र मोटरसाईकल सहित निजहरुलाई नियन्त्रणमा लिएर जिल्ला प्रहरी कार्यालय सिरहामा थप अनुसन्धान कार्य अगाडी बढाएको प्रहरी प्रवक्ता रविन्द्र राज पाण्डेले जनाकारी दिएको छ ।
